مشكلة سرقة otp في السحب من الفيزا

السلام عليكم

انا حصل معايا موقف غريب كنت شوفته قبل كدا هنا ان فيه ناس اتسحب منها فلوس بدون OTP

انا دايما واخد بالى من استعمالات الفيزا بتاعتى وواخد كل احتياطاتى

المهم اللى حصل انى شحنت رصيد من على ابيكشن فودافون (ودى مش اول مرة اشحن كدا) وبعديها بخمس دقايق اتسحب منى 22 الف جوجل ادسنس من الامارات بدون اى OTP او اشعارات او اى حاجة اول لما شوفت الرسالة طبعا كلمت البنك لان العملية بتكون لسا معلقة ووقفت البطاقة علشان المهزلة العجيبة دى وقالى قدملت شكوى وبتروح لإدارة المخاطر وبالخد 7 أيام عمل

7 أيام عمل تكون العملية تمت والفلوس اتخصمت فعليا من الحساب

مش فاهم ازاى

انا ببلغ بعملية سرقة يعنى العمليات دى المفروض توقف علطول مش محتاجة اى وقت ولا متابعة ولا شكوى اصلا

انا قولت ابلغ الناس برضو تخلى بالها لان ممكن كدا يكون فيه مشكلة فى فودافون برضو (مش متاكد بصراحة) - المهم خدوا حذركم من البنك وفودافون

ولو أى حد عنده أى معلومة أقدر أرجع بيها فلوسى ياريت يعرفنى

وشكرا