مشكلة حوالة بالدولار في بنك egbank

اسوأ بنك في مصر Eg Bank

اتحولي مبلغ بالدولار يوم ٨ سبتمبر ولحد دلوقتي موصلش.

في الاول رحت الفرع وادتهم ورقة اثبات التحويل وبتابع مع خدمة العملا في الفرع كل يوم يقولوا مفيش جديد، بعد عشر ايام يقولي الادارة لسه مردتش علينا، طب ليه مردوش؟ معرفش، طب هيردوا امتى؟ معرفش تابع معانا، طبعا مفيش جديد.

رحت بعدها قدمت شكوى بالتليفون يوم ٢٦ سبتمبر، بعدها بتلت ايام واحد اتصل بيا وقالي محتاج اثبات التحويل قولتله اديته للموظف في الفرع، قالي تمام هشوفه واكلمك، محدش كلمني تاني لحد النهاردة،

كل يوم بتصل اتابع الشكوى في خدمة العملاء يقولي لسه متردش عليها يافندم، امتى طيب؟ ١٥ يوم عمل

استنيت ال١٥ يوم عمل اتصلت قالولي لسه يافندم هنقدم طلب استعجال وهيترد عليك خلال يومين عمل.

عدا اليومين؟ حصل نفس الموضوع تاني طلب استعجال ويومين عمل تاني،

البنك المرسل أكدلي ان الفلوس وصل EG Bank وهما عملوها pending، وقالولي ان EG Bank اتواصل معاهم عشان بيناتي وسبب التحويل، يعني EG bank عارف انه التحويل وصل عنده.

عامةً لا انصح احد يفتح حساب معاهم ولا حساب عادي ولا فريلانسر، عشان ممكن اقعد من هنا لبكرا احكي على مواقف زي كدا معاهم ولا حد هيفيدك