مشكلة قسط فاليو من محفظة اورانج Valu

نصيحه مني بلاش "ڤاليو"

انا عميل مع فاليو بقالي ٣ سنين ودايما بدفع الاقساط في ميعادها دايما

وللاسف حظي السيئ خلاني اتعامل مع خدمه العملاء بتاعتها من ٥ ايام

حرفيا اسوء خدمه عملاء انا شوفتها في حياتي

اولا عشان اعرف اتواصل مع حد منهم معاناااه

الاول بعتلهم عالواتساب اتبعتتلي رساله ان حد هيتواصل معايا في اقرب وقت،، ولا حد عبرني

وبعدها بعتلهم ايميل بيردوا بعد ساعات طويله ووممكن تاني يوم وردود مفيهاش اي معلومه مفيده

وف الاخر اتصلت بالتليفون مرتين كل مره افضل مستني مالايقل عن نص ساعه عشان حد يرد

كل دا وانا مضطر اتابع عشان متأخرش علي ميعاد السداد

**المشكله بدأت باني دفعت القسط يوم ٣ ف الشهر عن طريق اورانچ كاش والعمليه تمت واتسحب الرصيد واورانچ بعتتلي رقم العمليه

والقسط متسددش لحد يوم ٥ ونزلت غرامه تأخير عليا

ولحد الان ماتمش السداد

وكل ردود خدمه العملا اننا مجالناش لسه رد من الاداره ارجع اتصل بينا وقت تاني

انا مش قادر افهم ازاي شركه تقسيط بتتعامل ف اقساط ومواعيد دفع وغرامات تاخير وتكون خدمه العملا بتاعتها بهذا السوء ،، وانك توصلهم اصلا. معجزه

فنصيحه بجد بلاش فاليو لانك لو قابلت مشكله مفيش حد عنده حل

Orange Money

Orange